Gallu

'Gallu' yw’r Rhaglen Datblygiad Pobl ar gyfer pob busnes yn Ne Orllewin Cymru sy’n gysylltiedig â’r diwydiant twristiaeth.
Nod 'Gallu' yw cynorthwyo busnesau twristiaeth gydag unrhyw anghenion hyfforddi a datblygiad busnes i ddod o hyd i atebion i’w problemau.

Mae tîm Datblygu Adnoddau Dynol cryf Gallu yn cynorthwyo busnesau unigol i ganfod eu hanghenion hyfforddi a datblygu, ac mae’n gweithio gyda phob Cymdeithas Twristiaeth i annog busnesau i weithio gyda Gallu ac i fuddsoddi mewn datblygiad staff trwy gymryd rhan mewn cyrsiau hyfforddi, gweithdai, seminarau a dyddiau agored.

Gall Gallu eich helpu gyda’ch holl anghenion hyfforddi un ai trwy hwyluso gweithdai neu trwy eich cynorthwyo i ddod o hyd i ddarparwr hyfforddiant sy’n cynnig yr union beth sydd ei angen arnoch.

Mae tîm Gallu yn gweithio y tu ôl i’r llenni ar ran y sector twristiaeth, gan ddylanwadu ar bobl i sicrhau bod twristiaeth yn cael lle haeddiannol ar eu hagenda!

Os oes gennych unrhyw anghenion hyfforddi neu ddatblygiad busnes ac yn teimlo bod angen help arnoch, yna peidiwch ag oedi a chysylltwch â thîm Gallu heddiw i gael gwybod sut y gallant eich helpu chi a’ch busnes.

Gallu ar daith ar gyfer Hyfforddiant ar ddiwedd yr haf!

Mae ‘Gallu’, y Rhaglen Datblygiad Pobl ar gyfer Busnesau Twristiaeth ledled De Orllewin Cymru, yn weithredol ers bron i bedair blynedd bellach a byddwn ar daith yn ystod y misoedd nesaf i ymweld â busnesau ar hyd a lled y De Orllewin i ganfod beth yn union yw eu hanghenion hyfforddi.
Mae Gallu yn gofyn i fusnesau gymryd rhan mewn Arolwg i Ddadansoddi Anghenion Hyfforddi er mwyn canfod anghenion busnesau yn Sir Benfro er mwyn sicrhau bod seminarau, gweithdai a dyddiau masnach a fydd yn cael eu trefnu ar ôl yr haf yn ateb gofynion y diwydiant.
Boed eich angen yn Gymorth Cyntaf, Marchnata neu gwrs ar ddatblygu gwefan neu hyd yn oed weithdy ar gadw tŷ, mae Gallu wrth law i’ch helpu chi a’ch busnes!
Ni ddylai’r Arolwg i Ddadansoddi Anghenion Hyfforddi gymryd mwy na rhyw 15 munud i’w gwblhau, felly byddwch yn barod am alwad a chofiwch sôn am unrhyw anghenion datblygu sydd gan eich busnes!
Rydym yma i’ch helpu!

Cymorthfeydd Teithiol y Cymdeithasau Twristiaeth a Gallu

Bydd Gallu a thair Cymdeithas Dwristiaeth y De Orllewin yn teithio i bob cwr o’r ardal yn ystod y chwe mis nesaf i gefnogi a chynghori busnesau twristiaeth.
Os hoffech chi ymuno â’ch Cymdeithas Dwristiaeth leol neu os ydych yn aelod ac yr hoffech gael cyngor a chefnogaeth, cofiwch ddod draw i’n gweld am baned a sgwrs!
Bydd Gallu wrth law i’ch helpu gydag unrhyw broblemau neu anghenion datblygu sydd gennych a byddant yn barod i’ch cynghori ynghylch y cyrsiau a gynhelir yn yr ardal.

I gael gwybod am y dyddiadau pan fyddwn yn dod i’ch ardal chi am ragor o wybodaeth am brosiect ‘Gallu’, cysylltwch â Lowri
ar 07977 989723 neu ewch i neu trefnwch y cyfan ar-lein yn www.gallu.org.uk

Edrychwch isod am fwy o erthyglau .....
Croeso i ddiweddariad electronig Fforwm Hyfforddi Twristiaeth yng Nghymru
Gwella eich croeso gyda ‘Croeso
Gwobr Doniau Cymhwysol (GDC)
Ddim yn siŵr pwy i’w holi?.........Ewch i gofynibwy
Llwyddiant Trwy eich Pobl a Mwy o Lwyddiant Trwy eich Pobl
Gallu
De Ddwyrain Cymru