Gwella eich croeso gyda 'Croeso'

Gwasanaeth cwsmeriaid da yw'r allwedd i ddiwydiant twristiaeth llwyddiannus

Mae Fforwm Hyfforddi Twristiaeth yng Nghymru (TTFW) wedi bod yn datblygu rhaglen gwasanaeth cwsmeriaid newydd ar ran Llywodraeth Cynulliad Cymru i hybu’r diwydiant twristiaeth yng Nghymru. 

Enw’r rhaglen gwasanaeth cwsmeriaid newydd sy’n cael ei datblygu fydd ‘Croeso Cynnes – A Warm Welcome’ a bydd yn rhan o raglen gefnogi ehangach a fydd yn cwmpasu ‘Ymdeimlad o Le’ a’r defnydd o’r Gymraeg.

Bydd y rhaglen gwasanaeth cwsmeriaid yn cynnwys modiwl Rheng Flaen sydd wedi’i anelu at staff sy’n delio’n uniongyrchol â chwsmeriaid ac wedi’i gysylltu â modiwl Rheolwyr er mwyn cynorthwyo’r busnes i roi mwy o bwyslais ar y cwsmer. Bydd y rhaglen yn canolbwyntio ar fanteisio i’r eithaf ar gynnyrch sy’n unigryw i Gymru.

Bydd y rhaglen yn manteisio ar y cyfryngau newydd a dulliau dysgu traddodiadol i gynnig ymagwedd ‘gyfun’ tuag at ddysgu. Bydd dysgu ‘wyneb yn wyneb’ yn cael ei ategu a’i gefnogi gan ymchwiliadau unigol i’r cynnyrch twristaidd sydd ar gael er mwyn darparu rhaglen hyfforddi sy’n berthnasol i bob person sy’n dilyn y rhaglen. 

Bydd gwybodaeth am y rhaglen ar gael mewn digwyddiad a drefnir gan Fforwm Hyfforddi Twristiaeth yng Nghymru ar 16 Hydref 2008 yng Ngwesty Caer Beris Manor, Llanfair-ym-Muallt.

Os hoffech gael rhagor o wybodaeth, cysylltwch â Lee Elwell yn leeelwell@ttfw.org.uk 

Edrychwch isod am fwy o erthyglau .....
Croeso i ddiweddariad electronig Fforwm Hyfforddi Twristiaeth yng NghymruGwobr Doniau Cymhwysol (GDC)
Ddim yn siŵr pwy i’w holi?.........Ewch i gofynibwy
Llwyddiant Trwy eich Pobl a Mwy o Lwyddiant Trwy eich Pobl
Medrwn
Gallu
De Ddwyrain Cymru