Cynnig arweiniad, cyfarwyddyd a chydgysylltiad ym maes sgiliau twristiaeth yng Nghymru

Mae Cymru'n dibynnu ar ei diwydiant twristiaeth. Yn ogystal â chyflogi tua 10 y cant o bawb sy'n gweithio yng Nghymru, mae'n cyfrannu dros £2 biliwn yn uniongyrchol i economi Cymru.

Mae twristiaid modern yn disgwyl gwasanaeth proffesiynol ac effeithiol ac, yn aml, gallent ddewis mynd i unrhyw le yn y byd. Mae ein hymwelwyr yn disgwyl i Gymru gystadlu â llefydd gwyliau gorau'r byd ac mae'n rhaid i ni rannu eu disgwyliadau uchel os ydym am i'n diwydiant croeso ffynnu yn y dyfodol.

Tasg Hyfforddiant Twristiaeth i Gymru yw helpu i ddatblygu gweithlu medrus yn yr economi ymwelwyr a fydd yn helpu i roi hwb ymlaen i'r diwydiant.